Son yeniləmə: 8 Aprel 2021 11:41
Bayraqdar.info – Azərbaycanın 4 taekvondoçusu bu gün Bolqarıstanın paytaxtı Sofiyada başlayacaq Avropa çempionatında mübarizəyə qoşulur. Bu barədə Azərbaycan Taekvondo Federasiyasından xəbər verilib.
Bildirilib ki, kişilər arasında 54 kq çəki dərəcəsində Bəhruz Quluzadə 1/8 finalda Mateya İvanoviç (Serbiya) ilə üz-üzə gələcək.
58 kq-da yarışan Pərviz İsgəndərov 1/16 finalda Stepan Dmitrovla qarşılaşacaq.
Qadınlardan Minayə Əkbərova (46 kq) 1/8 finalda Almaniyanı təmsil edən Özlem Gürüzün, 2016-cı il Rio Yay Olimpiya Oyunlarında bürünc medal qazanan Patimat Abakarova (49 kq) eyni raundda Martina Korellinin müqavimətini qırmağa çalışacaq.
Federasiyadan bildirilib ki, Avropa çempionatına aprelin 11-də yekun vurulacaq. Azərbaycanı yarışda 11 taekvondoçumuz təmsil edir.
