Bayraqdar.info – “Beynəlxalq Ordu Oyunları-2021” yarışlarının son günündə “Tank biatlonu” müsabiqəsinin final mərhələsi keçirilir. Bütün rəqiblərini geridə qoyan Azərbaycan, Çin, Qazaxıstan və Rusiya komandaları müsabiqənin final mərhələsində yarışır.
Bu barədə sentyabrın 4-də bayraqdar.info-ya Müdafiə Nazirliyindən xəbər verilib.
Xəbərdə deyilir ki, yarışların bağlanış mərasimində iştirak etmək üçün Azərbaycan Müdafiə nazirinin müavini – Quru Qoşunların komandanı general-mayor Ənvər Əfəndiyev Moskvada səfərdədir. O, əvvəlcə “Dostluq Evi”ndə təşkil olunan sərginin Azərbaycana aid bölməsində milli-mənəvi dəyərləri özündə əks etdirən və tarixi köklərə bağlanan müxtəlif eksponatlar və ədəbiyyatla tanış olub.
Hazırda nazir müavini yüksək peşəkarlıq göstərən Azərbaycan tankçılarının uğurlu çıxışını izləyir.
