Bayraqdar.info – Sentyabrın 28-də prokurorluq əməkdaşları 1 oktyabr “Prokurorluq işçilərinin peşə bayramı günü” ərəfəsində Bakı şəhəri ərazisində yerləşən müxtəlif uşaq evlərini ziyarət ediblər.
Məlumat bayraqdar.info-ya Baş Prokurorluqdan daxil olub.
“Ziyarət çərçivəsində prokurorluq əməkdaşları xüsusi qayğıya ehtiyacı olan, eləcə də valideyn himayəsindən məhrum olan uşaqların problemləri ilə maraqlanıb, onlara hədiyyələr təqdim ediblər. Bu kimi tədbirlərin gələcəkdə də davam etdirilməsi nəzərdə tutulur”, – deyə məlumatda bildirilir.
