Bayraqdar.info – ABŞ-ın https://coralspringstalk.com xəbər portalında İrandan bu ölkəyə mühacirət etmiş Azərbaycan türkü Dərya Hodainə həsr olunmuş “Koral-Sprinqsdəki uşaq kitabları müəllifi Hellouin haqqında bestseller nağılı dərc edib” sərlövhəli məqalə yerləşdirilib. Məqalədə qeyd edilib ki, Dr. Dərya Hodainin multikultural dəyərlərdən bəhs edən “Jirtdan”s Halloween” (Cırtdanın Helloini) kitabı sentyabr ayında “Amazon” onlayn satış platformasında birinci yeri tutub. Əsərdə balaca oğlanın və yoldaşlarının “Disneylənd”dəki sərgüzəştləri qələmə alınıb.
Bu barədə bayraqdar.info-ya Diasporla İş üzrə Dövlət Komitəsindən məlumat verilib.
Bildirilib ki, Azərbaycan türkü olaraq İranda doğma dildə təhsil ala bilmədiyinə diqqəti cəlb edən Dərya xanım deyib ki, 6 il öncə Birləşmiş Ştatlara köçdükdən sonra Azərbaycan mədəni irsinə bu ölkədə marağı hiss edib. Dərya Hodainin növbəti kitabı “Heyvanlar haqqında maraqlı faktlar” adlanır. Oxucular tezliklə bu kitabı “Amazon” onlayn platforması vasitəsilə əldə edə biləcəklər.
Məqaləni ətraflı şəkildə aşağıdakı linkdən oxumaq mümkündür:
Children’s Book Author in Coral Springs Publishes Best-Selling Halloween Tale
