Bayraqdar.info – Fövqəladə Hallar Nazirliyi üzərinə düşən vəzifələrinin icrası, o cümlədən əhalinin və ərazilərin təbii və texnogen xarakterli fövqəladə hallardan qorunması istiqamətində fəaliyyətini davam etdirir.
Bu barədə oktyabrın 30-da bayraqdar.info-ya FHN-dən məlumat verilib.
“FHN-nin “112” qaynar telefon xəttinə daxil olmuş zənglər əsasında Nazirliyin aidiyyəti qurumları tərəfindən ötən sutka ərzində 18 yanğına çıxış və 4 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib. Görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
“Ümumilikdə FHN-in qüvvələri tərəfindən ötən sutka ərzində 4 nəfər xilas edilib. Yanğınlar zamanı 2 nəfər xəsarət alıb. Həmçinin, Bakı şəhəri, Yasamal rayonu, Yeni Yasamal yaşayış massivi, Talıblı küçəsindəki çoxmərtəbəli yaşayış binasında baş vermiş yanğın zamanı 8-i uşaq olmaqla 30 nəfər bina sakini təxliyə olunub”, – deyə məlumatda bildirilir.
