Son yeniləmə: 22 İyun 2022 17:06
Bayraqdar.info – Azərbaycan Prezidenti İlham Əliyevi qardaş Özbəkistana səfərində müşayiət edən heyətdə yer almış Mətbuat xidmətinin rəhbəri Azər Qasımovla bağlı video paylaşılıb. Özbəkistan Prezidenti Mətbuat xidmətinin rəhbəri Şerzod Asadovun paylaşdığı videoda A.Qasımovun bir özbəklə çox səmimi qucaqlaşdığı, duyğulu anlar yaşandığı görünür.
Bəlli olub ki, bu görüş 35 il sonra baş tutub. A.Qasımovun doğma qardaşı kimi sarıldığı şəxs isə bir özbək balası – Uluqbek Matniyozovdur. Onlar 35 il öncə Sovet Ordusu sıralarında birlikdə qulluq ediblərmiş.
Həmişə demişik, yenə də deyirik: azərbaycanlılarla özbəklər doğma qardaşlardır və Prezidentin bu ölkəyə səfəri bunu bir daha göstərdi.
