Son yeniləmə: 20 Sentyabr 2022 15:41
BAYRAQDAR MEDİA – Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) “Əsrin müqaviləsi”nin 28-ci ildönümü və Neftçilər Günü münasibətilə sərgi təşkil olunub.
Bu barədə BAYRAQDAR MEDİA-ya MEK-dən məluamt verilib.
Məlumata əsasən, sərgi iki həftə müddətində davam edəcək: “Sərgidə yer alan nəşrlər sırasında İbrahim bəy Musabəyovun “Neft Milyonlar Səltənətində”, V.M.Abbasov, D.N.Məmmədov, S.R.Rəsulov, R.Ə.Cəfərova və M.M.Abbasovun “Neft kimyası və neftin ilkin emalı”, M.Z. Kərimovun “Neft və qaz layihələrinin idarə olunmasının riyazi təminatı ”, V.M.Abbasov, H.C.İbrahimov, S.R.Hacıyeva, S.Ə.Məmmədxanova, E.Ş.Abdullayev və F.Ə.Əmirovun “Neft və qaz emalı proseslərinin kimyası və texnologiyası”, Raif Qaradağın “Neft fırtınası”, M.Mirzəyev və C.Mirzəliyevin “Neft haqqında nə bilirsiniz?”, A.M.Məhərrəmov və M.R.Bayramovun “Neft kimyası və neft-kimyəvi sintez”, S.Frederik Starr, Svant E. Kornellin “Bakı-Tbilisi-Ceyhan boru kəməri:Qərbə açılan neft pəncərəsi” kitabları və digər nəşrlər yer alır”.
“Qeyd edək ki, bu gün “Xəzər dənizinin Azərbaycan sektorunda “Azəri”, “Çıraq” yataqlarının və “Günəşli” yatağının dərinlikdə yerləşən hissəsinin birgə işlənməsi və neft hasilatının pay bölgüsü haqqında” Dövlət Neft Şirkəti (SOCAR) ilə dünyanın aparıcı neft şirkətləri arasında müqavilə imzalanmasından 28 il ötür. Ümummilli lider Heydər Əliyevin 2001-ci il 16 avqust tarixli Sərəncamına əsasən, müqavilənin imzalandığı tarix – 20 sentyabr Azərbaycanda Neftçilər Günü kimi qeyd olunur”, – deyə məlumatda daha sonra bildirilib.
