Son yeniləmə: 2 Fevral 2023 17:04
İctimai Birlik yeni layihənin icrasına başlayıb
BAYRAQDAR MEDİA – “Rəvan” Gəncliyə Dəstək İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Məişət zorakılığına qarşı ictimai maarifləndirməyə dəstək” layihəsinin icrasına başlayıb.
Bu barədə BAYRAQDAR MEDİA-ya İctimai Bilrikdən məlumat verilib.
Bildirilib ki, layihənin məqsədi cəmiyyəti, xüsusən gənc nəsli məişət zorakılığına qarşı mübarizə istiqamətində maarifləndirməkdir: “3 ay davam edəcək layihə çərçivəsində məişət zorakılığına qarşı ictimai maarifləndirmə mövzularında araşdırma xarakterli 20 yazı hazırlanaraq mediada dərc ediləcək. Layihənin uğurla həyata keçirilməsi nəticəsində cəmiyyət, xüsusən gənc nəsil məişət zorakılığının səbəbləri, həmin səbəblərin aradan qaldırılması və məişət zorakılığına qarşı mübarizə istiqamətində maarifləndiriləcək. Bu da “Rəvan” Gəncliyə Dəstək İctimai Birliyinin məişət zorakılığına qarşı mübarizəyə vətəndaş cəmiyyəti institutu kimi bir töhfəsi olacaq”.
