Son yeniləmə: 3 Mart 2023 16:07
BAYRAQDAR MEDİA – Kahramanmaraşda baş verən zəlzələlərdən sonra bütün imkanlarını səfərbər etməyə davam edən Denizli Böyükşəhər Bələdiyyəsi davamlı addımlar atır.
Bu barədə BAYRAQDAR MEDİA-ya qurumdan məlumat verilib.
Bildirilib ki, bu çərçivədə indiyə qədər zəlzələ bölgəsindən Denizliyə gələn 3 min 865 ailədən 15 min 460 şəxsin geyim ehtiyacı qarşılanıb.
Denizli Böyükşəhər Bələdiyyəsi Nihat Zeybekci Konqres və Mədəniyyət Mərkəzinə gələn fəlakət qurbanları, Afət və Fövqəladə Hallar Rəhbərliyinə (AFAD) qeydiyyatdan keçdikdən sonra yaradılan iki fərqli mağazadan heç istifadə olunmamış ümumilikdə 124 min 317 ədəd yeni paltar götürüblər.
Digər tərəfdən Dənizli Böyükşəhər Bələdiyyəsi tərəfindən Böyükşəhər Bələdiyyəsi Nihat Zeybekci Konqres və Mədəniyyət Mərkəzində qurulan uşaq oyun parkı da zəlzələdən zərər çəkmiş uşaqların çətin günlərə tab gətirə bilməsi üçün psixoloqlarla birlikdə xidmətə davam edir.
Denizli Böyükşəhər Bələdiyyəsinin başqanı Osman Zolan, “Şəhərimizdə qardaş və bacılarımızı qonaq etməyə davam edirik. Ümid edirəm ki, yaralarımızı birlikdə sağaldacağıq. Allah birliyimizi, həmrəyliyimizi daim saxlasın” deyib.
