BAYRAQDAR MEDİA – Qazaxıstan hökuməti Türkiyə ilə müdafiə və sənaye sahəsində hərbi əməkdaşlığı artırmaq niyyətindədir.
Kırım Haber Ajansının məlumatına görə, bunu Anadolu Aajansına açıqlamasında Qazaxıstan Müdafiə Sənayesi Müəssisələri Birliyinin sədri Aybek Barısov (Aibek Baryssov) deyib.
O, “Türkiyə ilə əməkdaşlıq etmək istəməyimizin səbəbləri var. Biz qardaşlarıq. Biz türk xalqlarıyıq. Bundan başqa, Türkiyə öz yerli məhsullarına sevgi və hörmət baxımından nümunəvi ölkədir”.
Onun sözlərinə görə, Türkiyə ordusu NATO-nun ikinci ən güclü ordusu olmaqla yanaşı, qardaş ölkə müdafiə istehsalında böyük irəliləyiş əldə edib.
