BAYRAQDAR MEDİA – Vətənimiz Azərbaycanın və İranda yaşayan bütün türk boylarının hüquqlarını qorumaq gərəyi, eyni zamanda beş aydan artıq başlamış ayaqlanmalar nəticəsində ortaya çıxmış siyasi durum biz türklərin dayanışma və aktivləşmə zərurətini qaçılmaz etmişdir. Bu doğrultuda Avropada yaşayan türklər olaraq meydanda olmağa, fəaliyyətlərin koordinasiya əsasında davamlı olması üçün bir araya gələrək Avropada düzənli şəkildə aksiyaların keçirilməsinə qərar verdik.
Bu sözlər “Azadlıq və ədalət yürüşü”nün təşəbbüsçülərinin media üçün ikinci açıqlamasındandır.
Martın 3-də BAYRAQDAR MEDİA-ya daxil olmuş açıqlamada daha sonra deyilir:
Avropada yaşayan Güney Azərbaycan türklərinin bu təşəbbüsü ilə əlaqədar əsasən diaspora fəallarından, eləcə də ictimai-siyasi və mədəni simalardan ibarət sayı 200 nəfəri aşan qrup formalaşdırdıq və Qrup üzvləri arasında ümumi səsvermə ilə 14 maddəlik iş planı təsdiq edildi.
Zoom üzərindən keçirilən iki toplantıdan və ardıcıl müzakirələrdən sonra aksiyanın gerçəkləşdirilməsi üçün Koordinasiya Mərkəzi yaradıldı.
Koordinasiya Mərkəzində üç qrup fəaliyyət göstərir:
1.Maliyyə Qrupu
2.Logistika Qrupu
3.Media Qrupu
Qrupların aksiya üçün icazə alınması, soydaşlarımızı Brüsselə gətirmək, tribuna üçün platforma hazırlamaq, afişa və bayraqların hazırlanması, eləcə də media və reklam məsələləri ilə bağlı hazırlıqları davam edir.
Aksiyanın hazırlanması üçün yaradılan Koordinasiya Mərkəzinin tərkibindən Şərifə Xanım Cəfəri və Saleh Bəy Kamrani sözçü olaraq seçilmişdir.
Elə həmin mərkəz tərəfindən ilk aksiyanın adı “Azadlıq, ədalət yürüşü” olaraq təyin edilmişdir.
Aksiya ilə əlaqədar bütün duyurular sözçülər vasitəsilə elan ediləcəkdir.
Artıq birinci çağırış verildi və aksiyada iştirak etmək istəyən hər kəsdən bu təşəbbüs için hazır olmasını istədik .
KM-nin toplantısında təyin edilən şüarlar isə bunlardan ibarətdir:
*Azadlıq, Ədalət, Milli hökumət!
*Qadın, Yaşam, Azadliq!
*Stop Racism, Stop Discrimination in Iran!
*Terrorist SEPAH!
*Yox deyirik! Şahına da, şeyxinə də!
*Şah bizə rəhbər olmaz, Şeyx bizə öndər olmaz!
*Urmu Gölü can verir, İran onun qətlinə fərman verir!
Müzakirələr nəticəsində aksiyada Güneyin mücadilə bayrağının qaldırılmasına qərar verilmişdir.
İkinci çağırışda yer və zamanla əlaqəli ətraflı məlumat veriləcək .
Ətraflı məlumat almaq istəyən media mənsubları, qurum və təşkilatlar adları qeyd olan sözçülərlə əlaqə yarada bilər: Saleh Kamrani: 0046705973668 və Şərifə Cəfəri: 00491776354210.
