BAYRAQDAR MEDİA – AMEA Mərkəzi Elmi Kitabxanasında “Bütün yollar Şuşaya aparır” kitabı da yer alır.
Nəşr Milli İrsi Mədəni Tarixi Araşdırmalar (MİMTA) Fondunun dəstəyi ilə çap olunub.
Nəşrin girişində Prezident İlham Əliyevin “Əziz Şuşa, sən azadsan! Əziz Şuşa, biz qayıtmışıq! Əziz Şuşa, biz səni dirçəldəcəyik! Şuşa bizimdir! Qarabağ bizimdir! Qarabağ Azərbaycandır!” sözləri verilib.
2021-ci il avqustun 30-31-də Şuşada Vaqif Poeziya Günləri keçirilib. 30 avqustda Prezident İlham Əliyev və birinci xanım Mehriban Əliyeva Poeziya Günlərinin açılışında iştirak edib. Kitabda Vaqif Poeziya Günlərindəki çıxışlar, oxunan şeirlər, həmçinin həmin günlər barədə yazılan məqalələr, reportajlar, poetik təəssüratlar toplanıb.
Qeyd edək ki, kitab Azərbaycan Yazıçılar Birliyinin AYBKİTAB layihəsinin nəşridir.
