Son yeniləmə: 6 Aprel 2024 09:09
Dünyanın 52 ölkəsində Türkiyənin ali təhsil müəssisələrinə vahid qəbul imtahanı keçiriləcək
BAYRAQDAR MEDİA – Türkiyədə ali təhsil sahəsində inqilabi addım atılıb. Belə ki, bundan sonra dünyanın 52 ölkəsində Türkiyənin ali təhsil müəssisələrinə vahid qəbul imtahanı keçiriləcək.
Bu barədə Türkiyə Yükseköğretim Kurulunun sədri Erol Özvar məlumat verib. O, qeyd edib ki, test imtahan üçün həmin gün xaricdə 78 imtahan mərkəzi açılacaq.
Türkiye'nin bölgesel ve küresel konulardaki önemli aktör konumuyla uyumlu olarak bilim diplomasisine büyük önem veriyoruz. @yurtdisiturkler ve @TMaarifVakfi’yla imzaladığımız protokol ülkemizin yükseköğretimde sunduğu imkanların yurt dışında daha iyi tanıtılmasını sağlayacaktır. pic.twitter.com/ES5LhLwCzj
— Erol Özvar (@erolozvar) April 5, 2024
YÖK rəhbərinin sözlərinə görə, xaricdə gənclərin əhatə olunmasını maksimal dərəcədə genişləndirmək üçün TR-YÖS imtahanı 6 dildə – türk, alman, ərəb, fransız, ingilis və rus dillərində təşkil ediləcək.
Onu da bildirək ki, YÖK, Xaricdə Yaşayan Türklər və Qohum Topluluqlar Başqanlığı (YTB) və Türkiyə Maarif Vəqfi (TMV) arasında əməkdaşlıq protokolu imzalanıb.
Protokolla üç qurum milli və beynəlxalq təcrübə və səriştələrini bölüşərək təhsil, tədqiqat və inkişaf və universitet sərgisi təşkilatları sahələrində əməkdaşlıq edəcək.
Yeri gəlmişkən, BAYRAQDAR MEDİA olaraq fəaliyyət başladığımız ilk günlərdən etibarən bu məsələ də hər zaman diqqətimizdə olub. Yəni ilk dəfə məhz biz Türkiyə universitetlərinə imtahanın vahid mərkəzdən aparılmasını təklif etmişdik. Bununla bağlı geniş yazımızı yaxın günlərdə təqdim edəcəyik.