BAYRAQDAR MEDİA – YARAT Müasir İncəsənət Məkanı Little YARAT ustad dərslərinin aprel proqramını təqdim edib.
Bu haqda YARAT-ın yaydığı xəbərdə qeyd edilir.
Xəbərdə deyilir ki, “8-12 yaş arası uşaqlar üçün təşkil edilən ustad dərsləri 21 və 28 aprel tarixlərində keçiriləcək. “Sarının tam qəlbində”, “Ruhun inqilabı” mövzularında olacaq dərslərin tyutorları Aida Əzimova, Lali Binyatovadır. Dərslərdə iştirakçılar rəssam Konstantin Mindadzenin YARAT Mərkəzində “Ekinoks” qrup sərgisi çərçivəsində nümayiş olunan “Sarının tam qəlbində” əsərinə istinadən sarı rənginin çalarlarından istifadə edərək qarışıq texnika vasitəsi ilə əsərlər yaradacaq, həmçinin fotoqraf Lali Binyatovanın “Ruhun inqilabı” fotosilsiləsinin şəkilləri üzərində yağlı boya vasitəsi ilə öz əsərlərini yaradacaqlar”.
İlk şərhi yaza bilərsiniz