BAYRAQDAR MEDİA – Iğdır şəhərində Iğdır İl Tarım ve Orman Müdürlüğü tərəfindən fermerlər üçün sahədə tətbiqi meyvə ağacı budama təlimləri keçirilir. Təlimlərin məqsədi məhsuldarlığın və keyfiyyətin artırılmasıdır.
Bu barədə igdirhaber.net saytı məlumat yayıb.
Məlumata görə, kənd təsərrüfatı istehsalını artırmaq və fermerlərin düzgün aqrotexniki üsullardan istifadə etməsini təmin etmək məqsədilə tətbiqi meyvə ağacı budama təlimləri təşkil olunur: “Iğdır İl Tarım ve Orman Müdürlüğünün koordinasiyası ilə həyata keçirilən fəaliyyət çərçivəsində Koordinasiya və Kənd Təsərrüfatı Məlumatları Şöbəsinin texniki əməkdaşları tərəfindən fermerlərə birbaşa sahədə təlimlər verilir. Sahə işləri çərçivəsində təşkil olunan təlimlərdə fermerlərə öz bağlarında praktik şəkildə budama texnikaları nümayiş etdirilir. Təlimlər zamanı formalaşdırıcı budama və məhsuldarlıq budaması haqqında ətraflı məlumatlar təqdim olunur, həmçinin meyvə ağaclarının növlərinə görə istifadə olunan müxtəlif budama sistemləri izah edilir”.
Məlumatda deyilir ki, texniki mütəxəssislər tərəfindən keçirilən dərslərdə xüsusilə goble, mərkəzi lider və modifikasiya olunmuş lider budama sistemləri barədə praktik məlumatlar fermerlərə çatdırılır.
İlk şərhi yaza bilərsiniz