Tanınmış yazıçı ilə görüş

Yazar: Röya İsrafil. Tarix: 12 Mart 2026 19:13

BAYRAQDAR MEDİA – Azərbaycan ədəbiyyatının tanınmış nümayəndələrindən olan yazıçı, şair, dramaturq, publisist və tərcüməçi Seyran Səxavətin 80 illik yubileyi münasibətilə Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) görüş keçiriləcək.

Bu haqda xəbər BAYRAQDAR MEDİA-ya MEK-in mətbuat xidmətindən daxil olub.

Xəbərdə deyilir ki, “tədbir zamanı S.Səxavət əsərlərində dərin humanizmi, realizmi, fəlsəfi-psixoloji təhlil genişliyi ilə çağdaş ədəbi nümunələr arasında özünəməxsus yer tutan, oxucu kütləsinin və ədəbi-elmi ictimiyyətin diqqətini daim özünə cəlb edən yaradıcılığı ilə bağlı fikirlərini bölüşəcək. Həmçinin müəllif oxucularla səmimi söhbət aparacaq, iştirakçıların suallarını cavablandıracaq”.

Tədbir martın 13-də saat 12:00-da MEK-in Şuşa zalında olacaq.

Bölmə: ƏDƏBİYYAT

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Eləcə də AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində çalışıb. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. Hazırda isə paralel şəkildə “Xalq Cəbhəsi” qəzetində və qəzetin eyniadlı saytında müxbir olaraq işləyir.

Yazarın başqa yazıları:

Bölmənin başqa yazıları: ƏDƏBİYYATƏDƏBİYYAT bölməsinin başqa yazıları »