Kitab təqdimatı: “Sarı köynək”

Yazar: Röya İsrafil. Tarix: 18 Mart 2026 15:34

BAYRAQDAR MEDİA – Martın 17-də “LIBRAFF”da Aşıq Ələsgərin “Sarı köynək” kitabının təqdimatı keçirilib.

Tədbirdə öncə layihənin rəhbəri və kitabı nəşrə hazırlayan Aşıq Ələsgərin kötücəsi Aysel Zahidqızı çıxış edərək kitabın ərsəyə gəlməsi haqqında danışıb, eləcə də nəşrdə əməyi keçənlərə təşəkkür edib.

Sonra Aşıq Ələsgərin nəticəsi Xətai Ələsgərli və digər çıxış edənlər Aşıq Ələsgərin irsindən, yaradıcılığının dərinliklərindən, onun aşıq sənətinə verdiyi töhfələrdən söhbət açıblar.

Həmçinin bildirilib ki, yeni nəşrdə uşaqlar üçün asan, onların anlaya biləcəyi şeirlərə yer verilib.

Tədbir zamanı aşıq musiqiləri ifa edilib.

Qeyd edək ki, sözügedən kitab TEAS Press Nəşriyyat Evinin ”3 alma” uşaq ədəbiyyatı bölməsi tərəfindən nəşr edilib.

Bölmə: ƏDƏBİYYAT

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Eləcə də AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində çalışıb. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. Hazırda isə paralel şəkildə “Xalq Cəbhəsi” qəzetində və qəzetin eyniadlı saytında müxbir olaraq işləyir.

Yazarın başqa yazıları:

Bölmənin başqa yazıları: ƏDƏBİYYATƏDƏBİYYAT bölməsinin başqa yazıları »