BAYRAQDAR MEDİA – KKTC-nin Arkın Yaradıcılıq Sənətləri və Dizayn Universiteti (ARUCAD), Kıbrıs Türk Mühəndis və Memar Odaları Birliyi (KTMMOB) nəzdində fəaliyyət göstərən Peyzaj Memarları Odası və Daxili Memarlar Odası ilə akademik və peşəkar əməkdaşlığı gücləndirməyə yönəlik protokol imzalayıb. Bu barədə ARUCAD-dan məlumat verilib.
Məlumata görə, ARUCAD-ın ev sahibliyində keçirilən mərasimdə rektor Prof. Dr. Asım Vehbi, KTMMOB Daxili Memarlar Odasının sədri Pembe Komut və Peyzaj Memarları Odasının sədri Dr. Gülizar Eroğlu sazişə imza atıblar; rektor müavinləri Prof. Dr. Burcu Toker və Dr. İbrahim Dalkılıç, həmçinin müvafiq peşə odalarının idarə heyəti üzvləri də tədbirdə iştirak ediblər.
Əməkdaşlıq çərçivəsində peyzaj memarlığı, daxili memarlıq, şəhərsalma, memarlıq, incəsənət və əlaqəli sahələrdə birgə təhsil, tədqiqat və tətbiq proqramları hazırlanması, tələbə, akademik heyət və peşə nümayəndələri arasında bilik mübadiləsinin artırılması nəzərdə tutulur.
İlk şərhi yaza bilərsiniz