BAYRAQDAR MEDİA – Türkiyənin nəqliyyat və infrastruktur naziri Abdulkadir Uraloğlu sosial media hesabında Elazığın Palu qəsəbəsindən heyrətamiz bir video paylaşıb.
Bu barədə elazigsonhaber.com saytı məlumat yayıb.
Məlumata görə, Murat çayı sahilində relslər üzərində hərəkət edən qatarın görüntüləri ilə yanaşı, Uraloğlu nəqliyyatın yalnız bir nöqtədən digərinə getməkdən ibarət olmadığını, həm də vizual bir zövq təqdim etdiyini vurğulayıb. Paylaşımında nazir “Palu qəsəbəsində, Murat çayı sahilində, badam çiçəkləri arasında uzanan relslərdə bahar yalnız görünmür, yaşanır. Bu səyahətdə məsafə yox, mənzərə danışır” sözlərinə yer verib.
Paylaşım qısa müddətdə geniş maraq görüb və #TürkiyeHızlanıyor etiketi ilə Türkiyənin nəqliyyat şəbəkələrinin sürət və rahatlıqla yanaşı ölkənin gizli təbii gözəlliklərini də ortaya çıxardığını bir daha sübut edib.
İlk şərhi yaza bilərsiniz