Şəhid tələbənin məzuniyyət mantiyası ailəsinə təqdim edilib

Yazar: Nihat Göytürk. Tarix: 9 Aprel 2026 17:21

Şəhid tələbənin ailəsi ilə görüş

BAYRAQDAR MEDİA – Ardahan Universitetinin rektoru Prof. Dr. Öztürk Emiroğlu Bakıda şəhid tələbə Mustafa Kərimovun ailəsi ilə görüşüb. Görüş 2020-ci ildə baş vermiş II Qarabağ müharibəsində şəhid olan universitet tələbəsinin xatirəsinə həsr olunub.

Bu barədə universitetdən məlumat verilib.

Məlumata görə, rektor Emiroğlu şəhid tələbənin geyinməyə haqq qazandığı məzuniyyət mantiyası və papağını ailəsinə təqdim edib: “Bu addım tələbənin həm akademik uğurunun, həm də vətənpərvərliyinin simvolu kimi qiymətləndirilib. Təqdimat mərasimi şəhid üçün yaradılmış xatirə guşəsinin qarşısında keçirilib. Görüş zamanı emosional anlar yaşanıb və şəhidin xatirəsi böyük ehtiramla yad olunub”.

Universitet rəhbərliyi qəhrəman tələbəni minnətdarlıq və hörmətlə anıb. Ailəsinə isə səbir və dözüm arzulandığı bildirilib.

Bölmə: XƏBƏRLƏR

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları:

Bölmənin başqa yazıları: XƏBƏRLƏRXƏBƏRLƏR bölməsinin başqa yazıları »