BAYRAQDAR MEDİA – Yozgat Bozok Universitetində xarici dil təhsilinin inkişafı ilə bağlı xüsusi toplantı keçirilib. Toplantı universitet rektoru Prof. Dr. Evren Yaşarın sədrliyi ilə Senat zalında təşkil olunub.
Universitetin məlumatına əsasən görüşdə tələbələrin akademik və peşəkar xarici dil bacarıqlarının artırılması üçün hazırlanmış yeni proqram müzakirə edilib: “Universitetin beynəlmiləlləşmə hədəfləri çərçivəsində daha effektiv təhsil modelinin yaradılması məsələsinə toxunulub. Hazırlanan proqram tələbələrin ilk kurslardan etibarən sistemli şəkildə dil bacarıqlarını inkişaf etdirməyi nəzərdə tutur”.
Məlumatda deyilir ki, rektor xarici dil biliklərinin həm təhsil, həm də karyera baxımından böyük əhəmiyyət daşıdığını vurğulayıb. O bildirib ki, universitet müasir tələblərə uyğun güclü dil təhsili modeli yaratmağı hədəfləyir.
Sonda proqramın 2026–2027-ci tədris ilindən tətbiq olunması barədə razılıq əldə olunub.
İlk şərhi yaza bilərsiniz