SDÜ türk dünyası ilə bağlı daha bir addım atıb

Yazar: Nihat Göytürk. Tarix: 15 Aprel 2026 15:24

Tədbirdən xatirə fotosu

BAYRAQDAR MEDİA – Türkiyənin Süleyman Dəmirəl Universiteti Qazaxıstanın Türküstan şəhərində keçirilən “Yasəvi yolunda Ahi Evran və Ahilik” proqramında təmsil olunub.

Bu barədə SDÜ-nin məlumatında qeyd edilib.

Bildirilib ki, universitet adından professor Mustafa Genç iştirak edib: “Tədbir çərçivəsində Xoca Əhməd Yəsəvi türbəsi ətrafında və universitetdə iki interaktiv kök boya emalatxanası təşkil olunub. Çivit və indiqo boyaları ilə aparılan tətbiqi məşğələlərdə iştirakçılara ənənəvi boyama üsulları öyrədilib. Emalatxanada boyanmış min ədəd köynək iştirakçılara hədiyyə olunub”.

Məlumata əsasən, proqramda müxtəlif universitetlərdən alimlərin iştirakı ilə ebru, toxuculuq, keramika və digər ənənəvi sənət sahələrində tətbiqi fəaliyyətlər keçirilib. Bundan əlavə, beynəlxalq simpozium da təşkil olunub.

Bölmə: MƏDƏNİYYƏT

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları:

Bölmənin başqa yazıları: MƏDƏNİYYƏTMƏDƏNİYYƏT bölməsinin başqa yazıları »