Son yeniləmə: 16 Aprel 2026
BAYRAQDAR MEDİA – Süleyman Demirəl Universitetində təşkil olunan “Türk sənət musiqisi xor konserti” Lütfü Çakmakçı Mədəniyyət Mərkəzində sənətsevərlərlə görüşüb.
Bu barədə universitetdən məlumat verilib.
Məlumata görə, universitetin akademik heyəti, inzibati əməkdaşları və tələbələrindən ibarət xor kollektivi M. Serkan Güllənin dirijorluğu ilə çıxış edib: “Konsertdə “Bir könül hekayəsi danışardı gözlərin” və “Dün gecə mehtaba dalıb səni andım” kimi məşhur əsərlər səsləndirilib. Çıxış zamanı müxtəlif musiqi alətlərində peşəkar ifaçılar orkestr müşayiətini təmin ediblər”.
Tədbirin sonunda xor rəhbərinə təşəkkür plaketi və gül təqdim olunub, təşkilatçılara minnətdarlıq bildirilib.
Sənətsevərlərin böyük maraq göstərdiyi konsert alqışlarla yekunlaşıb.
