Son yeniləmə: 1 İyun 2026
BAYRAQDAR MEDİA – 2007-ci il mayın 29-da yaradılan Bilecik Şeyx Edebali Universiteti (BŞEÜ) fəaliyyətinin 19-cu ildönümünü qeyd edib.
Bu barədə universitetin məlumatında qeyd edilib.
Bildirilib ki, “Hər şəhərə bir universitet” layihəsi çərçivəsində yaradılan ali təhsil müəssisəsi əvvəlcə “Bilecik Universiteti” adı ilə fəaliyyətə başlayıb, 2012-ci ildə isə Osmanlı dövlətinin mənəvi qurucusu Şeyx Edebali’nin adını alıb. Universitetin tərkibinə müxtəlif ali məktəblərdən bir sıra fakültə və peşə məktəbləri daxil edilib.
Məlumata əsasən, hazırda BŞEÜ-də təxminən 20 min tələbə təhsil alır və universitet 6 fərqli kampusda fəaliyyət göstərir: “Təhsil müəssisəsində stomatologiyadan mühəndisliyə, ilahiyyatdan aqrar sahəyə qədər geniş ixtisas proqramları mövcuddur. Universitetin yaradıldığı gündən bu yana 4 rektor fəaliyyət göstərib və hazırda bu vəzifəni professor Zafer Asım Kaplancıqlı icra edir. Təxminən 20 illik fəaliyyəti ərzində universitet yalnız akademik uğurları ilə deyil, şəhərin sosial-iqtisadi inkişafına verdiyi töhfələrlə də diqqət çəkib”.
İlk şərhi yaza bilərsiniz