BAYRAQDAR MEDİA – Çanakkale Onsəkkiz Mart Universitetinin (ÇOMÜ) 178 tələbə layihəsi TÜBİTAK-ın 2209-A və 2209-B proqramları çərçivəsində dəstək almağa layiq görülüb. Layihələr universitetin 22 müxtəlif akademik bölməsindən təqdim olunub və bu nəticə universitet üçün tarixi uğur hesab edilir.
Bu barədə universitetin məlumatında qeyd edilib.
Məlumatda deyilir ki, layihələr əsasən süni intellekt, böyük dil modelləri, pilotsuz uçuş aparatları, ağıllı avtomatlaşdırma, iqlim dəyişikliyi və dayanıqlılıq mövzularını əhatə edir.
Universitet rəhbərliyi bu nailiyyətin sistemli elmi fəaliyyət və güclü Ar-Ge ekosisteminin nəticəsi olduğunu bildirib. Rektor Prof. Dr. Cüneyt Erenoğlu qeyd edib ki, layihələr həm şəhərin, həm də bölgənin sosial və elmi inkişafına töhfə verir. O, uğurun müxtəlif fakültə və peşə məktəblərinə yayılmasının nəzəri təhsilin praktika ilə uğurlu şəkildə inteqrasiyasını göstərdiyini vurğulayıb. Universitet rəhbərliyi layihələrdə əməyi olan müəllimləri, tələbələri və sənaye tərəfdaşlarını təbrik edib.
İlk şərhi yaza bilərsiniz