15 İyul ruhu sənət sərgisi ilə yaşadılacaq

Yazar: Nihat Göytürk. Tarix: 14 İyul 2026 09:52

BAYRAQDAR MEDİA – Kayseri Böyükşəhər Bələdiyyəsinin KAYMEK qurumu 15 İyul – Demokratiya və Milli Birlik Günü münasibətilə xüsusi sərgi təşkil edəcək. Sərgi 15–19 iyul tarixlərində Recep Tayyip Erdoğan Millət Bağındakı Böyükşəhər Sənət Qalereyasında ziyarətçilərin ixtiyarına veriləcək.

Bu barədə erciyeshaber.com saytı məlumat yayıb.

Məlumata görə, ekspozisiyada demokratiya, milli iradə, vətən sevgisi, birlik və həmrəylik mövzularını əks etdirən bədii əsərlər nümayiş olunacaq: “KAYMEK-in müəllimləri tərəfindən hazırlanan relyef yazılar və əl işi tablolar sərginin əsas eksponatları olacaq. Layihənin məqsədi 15 İyul hadisələrinin xatirəsini sənət vasitəsilə yaşatmaq və gələcək nəsillərə çatdırmaqdır”.

Sərginin açılışı 15 iyul saat 11:00-da keçiriləcək və iyulun 19-dək davam edəcək.

Bölmə: MƏDƏNİYYƏT

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları:

Bölmənin başqa yazıları: MƏDƏNİYYƏTMƏDƏNİYYƏT bölməsinin başqa yazıları »