Son yeniləmə: 19 İyul 2026
BAYRAQDAR MEDİA – Türkiyənin Elazığ vilayətində yay mövsümünün ən isti günlərinin yaşandığı iyul ayında qeyri-adi hava hadisəsi müşahidə olunub. Mərkəzə bağlı Dəmirtaş (Holpenk) kəndində yağan dolu qısa müddətdə ətrafı ağ örpəyə bürüyüb.
Bu barədə elazigsonhaber.com saytı məlumat yayıb.
Məlumata görə, qəfil başlayan dolu yağışı sürətlə güclənərək yolları, bağları və açıq əraziləri tamamilə ağ rəngə boyayıb. Yayın ortasında baş verən bu qeyri-adi hava hadisəsi kənd sakinləri tərəfindən mobil telefon kameraları ilə lentə alınıb.
Qısa müddət davam edən doludan sonra hava yenidən normallaşıb. Kənd sakinləri iyul ayında dolu yağmasının nadir rast gəlinən hadisə olduğunu bildiriblər.
Hazırda dolunun kənd təsərrüfatı sahələrinə hər hansı ziyan vurub-vurmadığı aparılacaq araşdırmalardan sonra dəqiqləşəcək.
