BAYRAQDAR MEDİA – Arkın Yaratıcı Sanatlar ve Tasarım Üniversitetinin (ARUCAD) kişi stolüstü tennis komandası İtaliyanın Salerno şəhərində keçirilən Avropa Universitet Oyunlarında ilk görüşündə Böyük Britaniyanın Imperial College London komandasını 3:2 hesabı ilə məğlub edib.
Bu barədə universitetdən məlumat verilib.
Bildirilib ki, F qrupunda mübarizə aparan komanda Lozanna Universiteti və Azərbaycan İdman Akademiyası ilə də qarşılaşacaq.
ARUCAD Avropa Universitet Oyunlarına uğurlu start verməklə növbəti mərhələyə iddiasını gücləndirib.
