BAYRAQDAR MEDİA- Anadolu Universitetinin Xalq Rəqsləri Tələbə Kollektivi İspaniyanın Burqos şəhərində keçirilən 48-ci Beynəlxalq Burqos Xalq Rəqsləri Festivalında Türkiyəni uğurla təmsil edib.
Universitetdən verilən məlumata görə, festivalda kollektiv canlı musiqi müşayiəti ilə Anadolu bölgəsinin zəngin folklorunu əks etdirən rəqs proqramı təqdim edib. Səhnə çıxışları ilə yanaşı, yürüşlər və müxtəlif mədəni tədbirlərdə də iştirak edən kollektiv ənənəvi rəqsləri və milli geyimləri ilə böyük maraq qazanıb.
Festival müxtəlif ölkələrdən folklor kollektivlərini bir araya gətirərək mədəniyyətlərarası əməkdaşlığın inkişafına töhfə verir.
İlk şərhi yaza bilərsiniz