BAYRAQDAR MEDİA – Kalehisar Arxeoloji Abidəsində qazıntı işləri 2026-cı ildə də davam etdirilir. 2021-ci ildə Çorum Muzeyinin rəhbərliyi ilə başlayan qazıntılara professor Mustafa Kemal Şahinin rəhbərliyi ilə geniş heyət cəlb olunub.
Bu barədə Aydın Adnan Menderes Universitetinin məlumatında qeyd edilib.
Bildirilib ki, 2026-cı il qazıntıları zamanı bölgənin tarixi və mədəni xüsusiyyətləri ilə bağlı mühüm məlumatlar əldə edilib və müxtəlif yerli qurumlar işlərə dəstək göstərib.
Çorum valisi Ali Çalğan və vali müavini Cengiz Nayman avqustun 6-da əraziyə baş çəkərək aparılan işlərlə yerində tanış olublar.
Görüşlərdə qazıntıların daha səmərəli və geniş şəkildə davam etdirilməsi, əldə olunan elmi məlumatların qiymətləndirilməsi və gələcək üçün daha əhatəli iş proqramlarının hazırlanması müzakirə olunub. Universitet Kalehisar qazıntıları vasitəsilə Anadolu Səlcuqları və Osmanlı dövrlərinə aid tarixi-mədəni irsin araşdırılması, üzə çıxarılması və gələcək nəsillərə çatdırılması istiqamətində fəaliyyətini davam etdirir.
İlk şərhi yaza bilərsiniz