BAYRAQDAR MEDİA – Süleyman Demirel Universitetinin Hüquq fakültəsinin müəllimi dosent Raziye Aksunun rəhbərlik etdiyi “Müstəqil auditə tabe şirkətlərdə süni intellekt dəstəkli audit tətbiqlərinin hüquqi çərçivəsi” adlı layihə TÜBİTAK-ın 3005 proqramı çərçivəsində dəstək almaq hüququ qazanıb. Layihədə süni intellekt əsaslı audit tətbiqlərinin hüquqi aspektlərinin kompleks şəkildə araşdırılması nəzərdə tutulur.
Bu barədə universitetin məlumatında qeyd edilib.
Bildirilib ki, tədqiqat çərçivəsində Türkiyədə müstəqil audit və maliyyə hesabatlarında istifadə olunan süni intellekt tətbiqlərinin mövcud hüquq sistemindəki mövqeyi qiymətləndiriləcək. Layihənin əsas nəticələrindən biri süni intellektdən müstəqil audit sahəsində istifadəyə uyğun tənzimləyici çərçivənin və uyğunlaşma planının hazırlanması olacaq.
Araşdırma nəticəsində texnoloji inkişafla hüquq və audit təcrübələri arasındakı uyğunluğun gücləndirilməsinə dair siyasət təkliflərinin hazırlanması da planlaşdırılır.
Layihə süni intellektin audit sahəsində yaratdığı yeni hüquqi problemlərin sistemli şəkildə araşdırılmasını və texnologiyanın təhlükəsiz, məsuliyyətli və qanunvericiliyə uyğun istifadəsi üçün elmi çərçivənin yaradılmasını hədəfləyir.
İlk şərhi yaza bilərsiniz