Stolüstü tennisçilərin təlim-məşq toplanışı

Yazar: Röya İsrafil. Tarix: 26 Avqust 2026 10:55

Hazırlıq prosesinə sentyabrın 1-də yekun vurulacaq

BAYRAQDAR MEDİA – Yeniyetmə stolüstü tennisçilər qarşıdakı yarışlara hazırlığı davam etdirirlər. Bu məqsədlə Azərbaycan Stolüstü Tennis Federasiyası (ASTF) tərəfindən növbəti təlim-məşq toplanışı təşkil olunub.

Bu haqda xəbər BAYRAQDAR MEDİA-ya ASTF-dən daxil olub.

Xəbərdə diqqətə çatdırılır ki, “Şəki Olimpiya İdman Kompleksində keçirilən toplanışa müxtəlif bölgələrdən 16 istedadlı idmançı qatılıb. Onlar avqustun 25-dən etibarən məşqçilər Qulu Quliyev, Rza Mirzəyev, Billurə Eminova və Gülnarə İbrahimovanın rəhbərliyi ilə fiziki, texniki və taktiki bacarıqlarını artırmağa çalışacaqlar. Hazırlıq prosesinə sentyabrın 1-də yekun vurulacaq”.

Bölmə: İDMAN

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Eləcə də AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində çalışıb. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. Hazırda isə paralel şəkildə “Xalq Cəbhəsi” qəzetində və qəzetin eyniadlı saytında müxbir olaraq işləyir.

Yazarın başqa yazıları:

Bölmənin başqa yazıları: İDMANİDMAN bölməsinin başqa yazıları »