BAYRAQDAR MEDİA – İstanbul Universitetinin İslam Araşdırmaları İnstitutunun direktor vəzifəsinin təhvil-təslimi mərasimi 21 avqust 2026-cı ildə İnstitutun tarixi Kuyucu Murat Paşa Mədrəsəsində yerləşən binasında keçirilib. İstanbul Universitetinin rektoru professor Osman Bülent Zülfikarın iştirakı ilə keçirilən mərasimdə professor Bekir Kuzudişli direktor vəzifəsini dosent M. Fatih Çalışıra təhvil verib.
Təhvil-təslim mərasimində İstanbul Universitetinin rektor müavini professor Rabia Nergiz Dağoğlu Sakinlə yanaşı, universitetin müxtəlif bölmələrinin nümayəndələri də iştirak ediblər.
Mərasimdə çıxış edən rektor professor Osman Bülent Zülfikar İslam Araşdırmaları İnstitutunun İstanbul Universitetinin köklü elmi ənənəsindəki yerinə və İslam araşdırmaları sahəsindəki əhəmiyyətinə toxunub. Vəzifədə olduğu müddətdə İnstituta göstərdiyi xidmətlərə görə professor Bekir Kuzudişliyə təşəkkür edən rektor İnstitutun direktor vəzifəsini təhvil alan dosent M. Fatih Çalışıra uğurlar arzulayıb.
İlk şərhi yaza bilərsiniz