BAYRAQDAR MEDİA – Eskişehir Osmangazi Universitetinin rektoru Prof. Dr. Emine Gümüşsoy universitetdə təşkil olunan səhər yeməyində Eskişehirin milli və yerli media nümayəndələri ilə görüşüb. Rektor universitetin məzunu kimi rəhbər vəzifəyə təyin olunmasının onun üçün xüsusi qürur olduğunu bildirib.
O, universiteti yaxından tanımasının və əvvəlki rəhbərlik təcrübəsinin yeni vəzifəsində mühüm üstünlük yaratdığını qeyd edib.
Məlumata görə, Gümüşsoy tələbə məmnuniyyətinin artırılması, elmi məhsuldarlığın yüksəldilməsi və universitetin reytinqlərdə daha yüksək mövqelərə çıxması üçün çalışacaqlarını vurğulayıb. O, YÖK-ün 2030 vizyonuna uyğun olaraq universitetin həm tələbələr, həm də akademik və inzibati heyət üçün daha güclü bir quruma çevrilməsinin əsas hədəflərdən olduğunu deyib. Rektor həmçinin universitetin şəhərlə əlaqələrinin gücləndiriləcəyini və sosial məsələlərdə daha fəal, təşəbbüskar və yenilikçi mövqe nümayiş etdirəcəyini bildirib.
Rektor yeni Sağlamlıq Tətbiq və Araşdırma Xəstəxanasının tikintisinin universitet üçün prioritet olduğunu və xəstələrin təhlükəsizliyinin hər şeydən önə çəkildiyini açıqlayıb.
İlk şərhi yaza bilərsiniz