Son yeniləmə: 2 Sentyabr 2026
BAYRAQDAR MEDİA – Aydın Adnan Menderes Universitetinin rektoru Prof. Dr. Bülent Kent Türkiyənin Kənd Təsərrüfatı və Meşəçilik naziri İbrahim Yumaklının bir sıra görüş və araşdırmalar aparmaq məqsədilə Aydın vilayətinə səfəri çərçivəsində İncirliova rayonunda yerləşən Erbeyli Əncir Araşdırma İnstitutunda təşkil olunan əncir yığımı proqramında iştirak edib. Proqrama Kənd Təsərrüfatı və Meşəçilik naziri İbrahim Yumaklı, Aydın valisi Dr. Osman Varol, universitetimizin rektoru Prof. Dr. Bülent Kent, vilayət protokolu və siyasi partiyaların nümayəndələri qatılıblar.
Bu barədə universitetin məlumatında qeyd edilib.
Bildirilib ki, proqram çərçivəsində nazir Yumaklı Erbeyli Əncir Araşdırma İnstitutunda keçirilən əncir yığımında iştirak edib, təzə və quru əncir məhsullarını nəzərdən keçirib. Tədbirdə Aydının mühüm kənd təsərrüfatı məhsullarından biri olan əncirin istehsalı, tanıdılması, marketinqi və istehlakının artırılması istiqamətində müzakirələr aparılıb.
Proqramın davamında əncir sektoru nümayəndələri ilə görüş keçirilib, sektorun mövcud vəziyyəti, istehsal prosesləri və onun inkişaf etdirilməsi istiqamətində fikir mübadiləsi aparılıb.
İlk şərhi yaza bilərsiniz