Pamukkale Universitetində tədris ilinin açılışı olub

Yazar: Nihat Göytürk. Tarix: 14 Oktyabr 2026 16:52

BAYRAQDAR MEDİA – Pamukkale Universitetində 2026–2027-ci tədris ilinin açılış mərasimi Türkiyə Ali Təhsil Şurasının (YÖK) sədri professor Erol Özvarın iştirakı ilə keçirilib. Tədbirdə Aydın Adnan Menderes Universitetinin rektoru professor Bülent Kent, digər universitet rəhbərləri, alimlər, tələbələr və rəsmi şəxslər iştirak ediblər.

Erol Özvar Türkiyə universitetlərinin dünya reytinqlərində mövqelərinin yüksəldilməsinin əsas hədəflərdən biri olduğunu bildirib. O, ən azı iki Türkiyə universitetinin dünyanın ilk 100 ali təhsil müəssisəsi sırasına daxil edilməsini hədəflədiklərini deyib. YÖK sədri, həmçinin strateji texnologiya sahələri üçün ixtisaslı kadrların hazırlanmasının vacibliyini vurğulayaraq qarşıdakı beş ildə 3 min gənc tədqiqatçının yetişdiriləcəyini qeyd edib.

Bölmə: TƏHSİL

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları:

Bölmənin başqa yazıları: TƏHSİLTƏHSİL bölməsinin başqa yazıları »