BAYRAQDAR MEDİA – Samsun Universitetinin İnsan və İctimai Elmlər fakültəsinin Kommunikasiya dizaynı və idarəetməsi bölməsinin təşkil etdiyi İTY Günləri 26 çərçivəsində “Oyun dizaynı” mövzusunda müzakirə keçirilib. Canik kampusundakı konfrans zalında keçirilən tədbirdə Begüm Dobrucalı və Berkay Dobrucalı tələbə və müəllimlərlə görüşüblər.
Bu barədə universitetin məlumatında qeyd edilib.
Bildirilib ki, qonaqlar oyun ideyasının formalaşdırılmasından dizayn və inkişaf mərhələlərinə qədər olan proses barədə təcrübələrini bölüşüblər. Müzakirələrdə vizual dizayn, personaj və hekayə quruculuğu, istifadəçi təcrübəsi və oyun mexanikası kimi məsələlərə toxunulub. Tələbələrin sualları cavablandırılıb, oyun sənayesində işləmək istəyən gənclərin inkişaf imkanları müzakirə olunub. Tədbir təşəkkür sənədlərinin təqdim edilməsi və xatirə fotosunun çəkilməsi ilə başa çatıb.
İlk şərhi yaza bilərsiniz