BAYRAQDAR MEDİA – Süleyman Demirel Universiteti xəstəxanasının Mülki Müdafiə və Fövqəladə Hallar bölməsi əməkdaşlar üçün yanğın təhlükəsizliyi təlimi təşkil edib. Nəzəri və praktiki formada keçirilən təlimdə yanğın növləri, odsöndürən balonlardan düzgün istifadə, yanğına müdaxilə üsulları və təxliyə qaydaları izah olunub.
Nəzəri hissədən sonra açıq ərazidə praktiki yanğınsöndürmə məşqi keçirilib. Xəstəxana əməkdaşları nəzarət altında yaradılmış yanğına odsöndürən balonlarla müdaxilə edərək öyrəndiklərini tətbiq ediblər. Təlimin məqsədi personalın fövqəladə hallara hazırlıq səviyyəsini artırmaq olub.
İlk şərhi yaza bilərsiniz