Əlilliyi olan şəxslər üçün Şirvan Reabilitasiya Mərkəzində master-klas

Yazar: Röya İsrafil. Tarix: 19 Oktyabr 2026 13:12

BAYRAQDAR MEDİA – Əmək və Əhalinin Sosial Müdafiəsi Nazirliyinin (ƏƏSMN) tabeliyində Sosial Xidmətlər Agentliyinin (SXA) Şirvan Reabilitasiya Mərkəzində xidmətlərə cəlb edilən əlilliyi olan şəxslər üçün master-klas təşkil edilib.

Bu haqda xəbər BAYRAQDAR MEDİA-ya SXA-nın mətbuat xidmətindən daxil olub.

Xəbərdə qeyd olunur ki, “Ümumdünya Qida Günü çərçivəsində keçirilən master-klas zamanı iştirakçılar kənd təsərrüfatı məhsullarının yığımında və onlardan müxtəlif məhsulların hazırlanmasında iştirak ediblər. Əyləncəli anlarla yadda qalan tədbir əlilliyi olan şəxslərin bacarıqlarının inkişafına dəstək olmaq və asudə vaxtlarını səmərəli təşkil etmək məqsədi daşıyıb”.

Bölmə: SOSİAL

Röya İsrafil

Röya İsrafil 16 may 1991-ci ildə Saatlı rayonunda anadan olub. 2011-2015-ci illərdə Bakı Qızlar Universitetinin Jurnalistika fakültəsində təhsil alıb. Müxtəlif illərdə Dialoq TV, Yeni media, Agro TV, Qəbələ TV və s. internet kanallarında xəbərlər buraxılışının aparıcısı, MZ Production-ın layihəsi olan “Müasir Azərbaycan Gənci” (MAG) proqramında müxbir kimi işləyib. Eləcə də AMEA Mərkəzi Elmi Kitabxanasının İctimaiyyətlə əlaqələr və informasiya şöbəsində çalışıb. Həmçinin AzTV-nin nəzdində fəaliyyət göstərən Teleradio Akademiyasında təhsil alıb. Hazırda isə paralel şəkildə “Xalq Cəbhəsi” qəzetində və qəzetin eyniadlı saytında müxbir olaraq işləyir.

Yazarın başqa yazıları:

Bölmənin başqa yazıları: SOSİALSOSİAL bölməsinin başqa yazıları »