BAYRAQDAR MEDİA – Mayın 25-də Heydər Əliyev Mərkəzində qala konsert təqdim olunacaq.
Bu haqda sözügedən Mərkəzin yaydığı xəbərdə deyilir.
Xəbərdə bildirilir ki, “Azərbaycan və dünya bəstəkarlarının əsərləri səslənəcək klassik musiqi gecəsində Əməkdar artist Fuad İbrahimovun, yerli və beynəlxalq müsabiqələr laureatı Mustafa Mehmandarovun dirijorluğu ilə Üzeyir Hacıbəyli adına Azərbaycan Dövlət Simfonik Orkestri, Xalq artistləri Dinara Əliyeva, Fərhad Bədəlbəyli, Murad Adıgözəlzadə, Yusif Eyvazov və İtaliyanın opera ifaçısı Ambrogio Maestri çıxış edəcək”.
Qeyd edək ki, konsert saat 20:00-da başlayacaq.
