BAYRAQDAR MEDİA – Özbəkistan 2023-cü il oktyabrın 1-dən bütün ölkə ərazisində çətin vəziyyətdə olan və ya ehtiyacı olan ailələr üçün sosial xidmət fondu açacaq.
Bu barədə Kirim Haber Ajansı məlumat yayıb.
Məlumata əsasən, bu, Özbəkistan hökumətinin 2023-cü il sentyabrın 11-də elan etdiyi “Özbəkistan 2030 Strategiyası” adlı proqrama daxil edilib: “Proqram Özbəkistan prezidenti Şavkat Mirziyoyev tərəfindn də təsdiqlənib. 2023-cü il oktyabrın 1-dən qüvvəyə minəcək poroqrama əsasən ehtiyacı olan ailələrin həyat şəraitinin yaxşılaşdırılmasına, dərman preparatlarının təminatına, uşaqların məktəbəqədər təhsil müəssisələrinə yerləşdirilməsinə və s. üçün maddi yardım göstəriləcək.
Bundan başqan proqrama əsasən, 2024-cü il yanvarın 1-dən dövlət məktəbəqədər təhsil müəssisələrinin şagirdlərinə zülal, vitamin və minerallarla zənginləşdirilmiş süd, o cümlədən yodla doymuş çörək məhsulları ayrılacaq.
Özbəkistanın bütün regionlarında ibtidai sinif şagirdlərinə maarifləndirici planşetlər veriləcək.
