Press "Enter" to skip to content

Avroviziya-2024: Azərbaycan təmsilçisinin səhnə quruluşçusu

Timó (ortada) məsləhətləşmə aparır

BAYRAQDAR MEDİA – “Avroviziya-2024”mahnı müsabiqəsində Azərbaycanı təmsil edəcək Fahree və İlkin Dövlətovun ifa etdiyi “Özünlə apar” mahnısının səhnə quruluşçusu ukraynalı Yevgeni Timoxin olacaq.

Xəbər BAYRAQDAR MEDİA-ya İctimai TV-dən verilib.

Bildirilir ki, “ictimaiyyətə və incəsənət aləmində daha çox Timó kimi tanınan Yevgeni Timoxin 2004-cü ildən rejissor, səhnə quruluşçusu və klipmeyker kimi fəaliyyət göstərir. 2006-cı ildə onun musiqi klipi Eurovideo Grand Prix müsabiqəsində 1-ci yerə layiq görülüb. 2011-ci ildə onun “Love” adlı musiqili videosu 24 saatdan az müddətdə bir milyondan çox baxış yığıb ki, bu da keçmiş SSRİ ölkələri arasında ilk belə göstəricidir. Timó bir sıra beynəlxalq layihə və müsabiqələrdə iştirak edib, onun yaratdığı səhnə və kliplər Beyonce, Lady Gaga, Madonna kimi tanınmış ifaçıların prodüser və xoreoqrafları tərəfindən yüksək dəyərləndirilib”.

O da qeyd edilir ki, “Yevgeni Timoxin Azərbaycanda ilk dəfə İctimai Televiziyada yayımlanan və böyük marağa səbəb olan “Maska” şousunun musiqili səhnələrinin quruluşçu rejissoru olub. Beləliklə, “Avroviziya-2024” müsabiqəsində Azərbaycanı təmsil edən Fahree və İlkin Dövlətov Timó-nun qurduğu səhnə ilə bu ilin 7 may tarixində İsveçin Malmö şəhərində çıxış edəcək”.

Mission News Theme by Compete Themes.