“20 ilin sədası” konsert proqramı

BAYRAQDAR MEDİA – Mayın 4-ü saat 19:00-da Heydər Əliyev Mərkəzində “20 ilin sədası” konsert proqramı təqdim olunacaq.

Bu haqda sözügedən Heydər Əliyev Fondunun yaydığı xəbərdə qeyd olunur.

Xəbərdə deyilir ki, “konsert həm iştirakçıları, həm də repertuarı ilə rəmzi məna daşıyır. Bu il yaranmasının 20 ili tamam olan Heydər Əliyev Fondu fəaliyyəti dövründə hər zaman gənc istedadlara, mədəniyyət və incəsənət sahəsinə dəstək göstərib, Azərbaycan mədəniyyətinin geniş təbliğinə yönələn layihələr həyata keçirib. Fondun 20 illiyi ərəfəsində keçirilən konsert də həmin uğurların kiçik bir hissəsinin nümayişi sayıla bilər”.