İzmirdə su böhranı

Yazar: Nihat Göytürk. Tarix: 1 May 2025 11:44

Su ehtiyyatları azalır

BAYRAQDAR MEDİA – TMMOB Ətraf Mühəndisləri Odası İzmir şöbəsi İzmirin su ehtiyatlarının mövcud vəziyyətini ortaya qoyan “İzmir 2024 Su Hesabatı”nı ictimaiyyətlə bölüşüb.

Bu barədə sonmuhur.com saytı məlumat yayıb.

Bildirilib ki, “hesabatda İzmir körfəzindəki ekoloji deqradasiyaya, eləcə də su ehtiyatlarında baş verən həyəcanverici hadisələrə diqqət çəkilib. Açıqlanan məlumatlara görə, İzmirdə adambaşına düşən illik su miqdarı min kubmetr səviyyəsindədir. Vurğulanıb ki, bu dəyər şəhəri su qıtlığı riski ilə üzləşən regionlar sırasına qoyur”.

Məlumata görə, hesabatda İzmirin içməli su ehtiyacının 61 faizinin yeraltı su ehtiyatları hesabına qarşılandığı bildirilərkən, həddindən artıq su çəkilməsi və çirklənmə səbəbiylə xüsusilə Küçük Menderes və Gediz hövzələrində yeraltı su səviyyələrində ciddi azalmaların olduğu qeyd edilib.

Bölmə: EKOLOGİYA

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları: Nihat Göytürk

Bölmənin başqa yazıları: EKOLOGİYAEKOLOGİYA bölməsinin başqa yazıları »