İğdırda güclü yağışdan sonra daşqın

Yazar: Nihat Göytürk. Tarix: 6 May 2025 16:17

Daşqın zamanı

BAYRAQDAR MEDİA – Türkiyədə, İğdırda mayın 5-də günorta saatlarında başlayan leysan yağış Aralık rayonunun kəndlərində daşqınlara səbəb olub.

Bu barədə igdirhaber.net saytı məlumat yayıb.

Məlumata görə, yağış nəticəsində yaranan sel suları Naxçıvan-İğdır avtomobil yolunda qaya parçaları və palçıq yığılması ilə yanaşı nəqliyyatın hərəkətində problemlər yaradıb: “Mənfiliyin ardından bölgəyə Iğdır İl Xüsusi İdarəsi və Karayolları qrupları sövq edilib. Sel nəticəsində bağlanan yol intensiv işlərdən sonra nəqliyyatın hərəkətinə açılıb”.

Məlumaat görə, səlahiyyətlilər İğdır-Naxçıvan avtomobil yolunda nəqliyyatın tamamilə normal vəziyyətə gətirilməsi üçün işlərin fasiləsiz olaraq davam etdiyini bildirib.

Bölmə: EKOLOGİYA

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları:

Bölmənin başqa yazıları: EKOLOGİYAEKOLOGİYA bölməsinin başqa yazıları »