BAYRAQDAR MEDİA – 2025-ci il mayın 14-də səhər Günəşin şərq səthində X2.7 sinifli güclü günəş partlayışı baş verib. Partlayış Yerin gündüz səthində qısamüddətli radio kəsintilərinə səbəb olub.
BAYRAQDAR MEDİA xəbər verir ki, bu barədə “TRT Haber” məlumat yayıb.
ABŞ Milli Okean və Atmosfer İdarəsi (NOAA) hadisədən sonra Yer kürəsinə əlavə təsir gözlənilmədiyini açıqlayıb. Partlayış Günəşin 11 illik döngüsündəki ən aktiv dövründə olması ilə əlaqələndirilir.
Bildirilib ki, eyni gündə dörd daha aşağı intensivlikli M sinifli partlayış baş verib.
Mütəxəssislər partlayışların Günəşdəki maqnit sahəsi xətlərinin qəfil qırılması və yenidən birləşməsi nəticəsində baş verdiyini deyirlər.
Günəşdən qopan yüklü hissəciklər atmosferə çatarsa, şimal işıqları kimi vizual hadisələrə səbəb ola bilər, lakin ciddi fırtınalar altyapıya nadir hallarda zərər verir.
Alimlər bildirirlər ki, aktiv günəş ləkəsi bölgəsi AR 4087 Yerə doğru dönərkən yaxın günlərdə də təsirli olmağa davam edə bilər.
İlk şərhi yaza bilərsiniz