Türk körpə şəhadətnaməsiz qaldı

Yazar: Aysel Həsrət. Tarix: 20 May 2025 19:04

BAYRAQDAR MEDİA – Təbrizin Qeydiyyat İdarəsi yeni dünyaya gələn körpəyə ailəsi Asena adını seçdiyi üçün doğum haqqında şəhadətnamə vermir.

Xəbəri “Azad İran” Telegram kanalı “Dan.magazin”ə istinadən yayımlayıb.

Xəbərə əsasən, “bu barədə Asenanın atası Fərhad Pakruh “Balamın adı” kampaniyasına müsahibəsində deyib: “22 apreldə doğulan qızıma Asena adını seçmişik, ancaq Təbriz Qeydiyyat İdarəsi bu ada şəhadətnamə verməkdən imtina edir. Onlar bizə Asna adına şəhadətnamə verə biləcəklərini bildiriblər”.

Son olaraq, “Fərhad Pakruh qızına sənəd verilmədiyi üçün körpənin tibbi xidmətdən məhrum olduğunu, müayinə və peyvənd edilmədiyini vurğulayıb”.

Bölmə: GÜNEY AZƏRBAYCAN

Aysel Həsrət

BAYRAQDAR MEDİA-nın inzibatçı-müxbiri Aysel HƏSRƏT 09 oktyabr 2001-ci ildə Bakı şəhərində anadan olub. 2018-ci ildə Bakıdakı 204 saylı tam orta məktəbi bitirib, eyni ildə universitetə qəbul olunub. 4 illik bakalavr təhsilini başa vurduqdan sonra, 2022-2024-cü illərdə Türkiyənin Eskişehir Osmangazi Universitetində MBA ixtisası üzrə təhsil alıb. 2014-2024-cü illər aralığında Canlı Aləmin Mühafizəsi Alyansı, Azərbaycan Tələbə Gənclər Təşkilatları İttifaqı, Bakı Gənclər Mərkəzi, ASAN xidmət, COP 29-da həm könüllülük fəaliyyəti ilə məşğul olub, həm də praktika keçib. İngilis, rus və türk dillərini bilir. Müxtəlif beynəlxalq tədbirlərdə tərcüməçiliklə də məşğul olub.

Yazarın başqa yazıları: Aysel Həsrət

Bölmənin başqa yazıları: GÜNEY AZƏRBAYCANGÜNEY AZƏRBAYCAN bölməsinin başqa yazıları »