BAYRAQDAR MEDİA – Binəqədi rayonu R.Əliyev adına 3 nömrəli tam orta məktəbin 1b sinif şagirdi Sara Abdullabəyli Hongkong Universitetinin təşkilatçılığı ilə 50-dən çox ölkədə keçirilən və minlərlə şagirdin qatıldığı Asiyanın ən nüfuzlu beynəlxalq riyaziyyat olimpiadası AIMO-da iştirak edib. Bu olimpiadada qızıl medal qazanaraq Yaponiyada keçiriləcək final turuna vəsiqə əldə edib.
Xəbər BAYRAQDAR MEDİA-ya sözügedən məktəbdən daxil olub.
Qeyd edilib ki, “məktəb rəhbərliyi Saranın anasını və sinif rəhbəri Elmira müəllimi bu möhtəşəm uğur münasibətilə təbrik edib. Şagirdləri Sara ilə fəxr etdiklərini, uğurların davamlı olmasını arzuladıqlarını bildiriblər”.
