BAYRAQDAR MEDİA – Səyyar ASAN xidmət 1-30 iyul tarixində Hacıqabulda, Gədəbəydə, Oğuzda, Qusarda, Yardımlıda, Tərtərdə, Göyçayda, Zaqatalada və Xırdalanda vətəndaşlara xidmət göstərəcək.
Bu barədə verilən məlumatda deyilir ki, “Səyyar ASAN xidmət”in həyata keçirilməsinin əsas məqsədləri dövlət xidmətlərinin vətəndaşlara daha rahat, yeni və innovativ üsullarla təqdim edilməsi, vətəndaşlar üçün əlçatanlığın təmin edilməsi və vətəndaş məmnunluğuna nail olunmasıdır: “Səyyar ASAN xidmət avtobusları həftənin bazar ertəsi – cümə günləri saat 10:00-dan 17:00-dək fəaliyyət göstərir. Saat 13:00-dan 14:00-dək nahar fasiləsidir. Qeyd: Hazırda Gədəbəydə Səyyar ASAN xidmətin iş qrafiki saat 11:00-dan 17:00-a qədərdir”.
