BAYRAQDAR MEDİA– Ağdam Sənaye Parkında fəaliyyət göstərən işəgötürənlərlə görüş keçirilib. Görüş Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin Qarabağ Regional Məşğulluq filialının təşkilatçılığı, Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəliyinin dəstəyi ilə reallaşıb.
Bu barədə nazirlikdən məlumat verilib.
Bildirilib ki, “görüşdə işğaldan azad olunmuş ərazilərimizə Böyük Qayıdış proqramı çərçivəsində köçürülən sakinlərin məşğulluğunun təminatı istiqamətində görülən işlər diqqətə çatdırılıb. Bu ərazilərdə icra olunan məşğulluq proqramları barədə məlumat verilib, həmçinin mövzu üzrə təqdimat edilib”. Məlumata görə, işğaldan azad olunmuş ərazilərdə fəaliyyət göstərən işəgötürənlər üçün güzəşt və imtiyazlardan bəhs olunub: “Qarabağ və Şərqi Zəngəzura köçürülməsi planlaşdırılan sakinlərin məşğulluğunun təminatı sahəsində işəgötürənlərlə əməkdaşlıq imkanlarına, əmək yarmarkalarında şirkətlərin aktiv iştirakına dair məsələlər müzakirə edilib, suallar cavablandırılıb. Sonda Agentliyin fəaliyyət istiqamətlərindən faydalanan işəgötürənlərin fikirləri dinlənib”.
